在线试读

国王对伊讲：“侬唱格歌让我听得老开心，我就 拿我格囡圄嫁拨侬。” 公主一听，吓得浑身发抖。国王讲：“我发过誓 ，要拿侬嫁拨**个到此地来讨饭格叫花子，我讲闲 话一定算数格。” 没人敢违抗国王格决定。于是，请来了牧师，帮 公主搭迭个叫花子举行了婚礼。 
    婚礼结束后，国王对囡圄讲：“现在侬已经是一 个叫花子格老婆了，勿好再住勒皇宫里了。侬搭侬格 老公快眼离开此地！” 叫花子拉牢伊格手就往外头走，公主勿得勿跟牢 伊离开了王宫。伊拉来到一片树林面前，公主问：“ 迭片树林是啥人格？” 卖唱格回答：“是心地善良格地包天国王格呀， 要是侬当初嫁拨伊，现在勿就是侬格了吗？” “我是一个可怜格姑娘啊，伊只是下巴有眼抄， 要是当初嫁拨勒地包天国王就好啦！” 一路走，伊拉来到了一片绿草地，公主又问：“ 迭片绿油油介漂亮格草地是啥人格？” “是心地善良格地包天国王格呀，要是侬当初嫁 拨伊，现在勿就是侬格了吗？” 于是，公主又唉声叹气格讲：“我真是一个可怜 格姑娘啊，想当初伊只是下巴有眼抄，要是嫁拨了地 包天国王就好啦！” 伊拉又走到了一座大城市，公主又问：“迭座介 好看格城市是啥人格？” “是心地善良格地包天国王格呀，要是侬当初嫁 拨伊，现在勿就是侬格了吗？” “哎！我哪能会得介可怜格，伊只是下巴有点抄 ，要是嫁拨了地包天国王就好啦！” 叫花子斜气勿适意：“侬老是想嫁拨另外格男人 ，我听了老气格，难道我配勿上侬吗？” *后，伊拉来到一间老小格房子前头，伊大声格 讲：“迭介小格房子我从来也没看见过，天啊，伊是 啥人格屋里？” 卖唱格回答讲：“迭个是我格房子，也是侬格屋 里，阿拉就要一道生活勒此地。” 迭个房子，房门又矮又小，公主伊进去格辰光， 只好弯下腰，否则就会碰痛头。 
    “佣人勒啥地方呢？” “啥地方来佣人呀。做啥格事体，侬侪要自家动 手。喏，侬快眼去生火，烧开水、烧饭拨我吃，我已 经吃力煞脱了。” 公主啥地方会得生火烧饭啦！叫花子只好自家动 手，否则要饿肚皮了。伊拉格夜饭老简单，吃好夜饭 就休息了。啥人晓得第二天天蒙蒙亮，叫花子就拿公 主踢下床，逼伊做家务，做事体。 
    伊拉就迭能过了几天，拿屋里向格物事统统吃光 ，叫花子就讲了：“老婆，侬看阿拉迭能光吃饭，勿 做生活，没铜钿进账，迭能哪能活下去啊。迭能，侬 来编箩筐，卖脱仔好赚眼铜钿。” 讲好么，伊就出去砍了眼柳树格梗梗子扛转来。 
    公主开始编箩筐，但是柳树格杆杆子又粗又硬，拿伊 雪白粉嫩格手侪弄伤了。 
    老公就讲：“我觉着侬做迭个勿来三，勤编箩筐 了，侬还是纺线吧。” 伊就坐下来开始纺线，要晓得纱线老粗糙格，拿 伊细细格手指头弄得鲜血直流。 
    “侬看看，侬看看，迭个是哪能一桩事体呀！侬 啥也做勿来，讨侬做老婆，算我触霉头。现在我出去 做陶瓷生意，侬呢，去拿锅子、碗、面盆咾啥到市场 浪去卖拨人家。” 公主心里想：“天呀，要是我爷国家里格人来此 地白相、买物事，看到我勒格搭叫卖碗啊、面盆啊， 伊拉一定会嘲笑我格！” 可是，自家又呒没别格手艺，只好答应去卖迭眼 物事。 
    一开始，她格生意还勿错。人家看见伊长得漂亮 ，侪来买伊格物事，而且连价钿也勿还。有几个人付 了铜钿，还拿面盆当作礼物送还拨伊。